Befason Karius, ja çka tha pas ndeshjes

Portieri i Liverpoolit, Loris Karius, i ka kërkuar falje klubit dhe bashkëlojtarëve pas dy gabimeve të tmerrshme që i kushtuan skuadrës së tij me humbje në finale të Ligës së Kampionëve kundër Real Madridit.
Madridi e fitoi titullin e tretë më radhë në Ligën e Kampionëve pasi zëvendësuesi Gareth Bale shënoi dy gola në triumfin 3-1 ndaj Liverpoolit, transmeton Gazeta Express.

Por, gabimet trashanike të Kariusit patën ndihim tejet të madh në rezultat, pasi portieri gjerman në mënyrë të pabesueshëm e hodhi topin drejt e në këmbën e Karim Benzams për golin e parë.

Bale më pas shënoi gol të jashtëzakonshëm me gërshërë për 2-1. Karius e bëri edhe një gabim tjetër të madh kur tentoi ta kapte një top të goditur nga Bale nga distanca, i cili i rrëshqiti nga duart dhe përfundoi në rrjetë.

“Nuk mund të ndiej asgjë tani. Sot, ia humba ndeshjen ekipit”, ka thënë Karius për TalkSPORT.

“Iu kërkoj falje të gjithëve. I kërkoj falje të gjithëve, ekipin dhe tërë klubit. Gabimet e mia nga kushtuan shtrenjtë”, shtoi ai. /Gazeta Express/